MICHAEL MCCARTHY Cyfarwyddwr

Bûm yn astudio Cerddoriaeth ym Mhrifysgol Birmingham a dilyn cwrs ôl-raddedig mewn Astudiaethau Theatr yn Theatr y Sherman, Prifysgol Caerdydd. Yn 1982, roeddwn yn gyfrifol am gyd-sefydlu Grŵp Opera Newydd Caerdydd gyda Michael Rafferty, ac arweiniodd hyn at greu Music Theatre Wales yn 1988. Ynghyd ag MTW, rhwng 1998 a 2012 roeddwn yn Gyfarwyddwr Artistig Operatoriet – stiwdio opera gyfoes ar gyfer Norwy – a rhwng 2007 a 2012 yn Ddramatwrg ar gyfer FIVE:15 –Operas Made in Scotland ar gyfer Opera’r Alban. Yn 2012 roeddwn yn arwain yr Academi Creu Opera yng Ngŵyl d’Aix-en-Provence, ac yn ystod yr 1980au roeddwn yn gyfarwyddwr adfywiad ar gyfer The Fires of London, cwmni dan arweiniad Peter Maxwell Davies.

Rwyf wedi cyfarwyddo dros 40 o operâu cyfoes, yn cynnwys bron y cyfan o gynyrchiadau MTW. Mae fy nghynyrchiadau eraill yn cynnwys llwyfannu Tosca a Nabucco, digwyddiadau awyr-agored ar raddfa fawr, a chynyrchiadau o La Traviata, Cosi fan Tutte, Il Re Pastore, Fidelio a Don Giovanni. Hefyd, Cinderella gan Peter Maxwell Davies ar gyfer Opera Cenedlaethol Cymru a theledu S4C, The Lighthouse ar gyfer BBC2 TV, The Forbidden Hymn – opera gymunedol wedi’i gosod yng nghymoedd de Cymru – a The Feast of the Pheasant ar gyfer Glasgow 1990.

Enillais wobr am y Cyfarwyddwr Gorau yng Ngwobrau Theatr Cymru am fy nghynhyrchiad premiere byd o The Trial gan Philip Glass, mewn cyd-gynhyrchiad rhwng MTW a’r Tŷ Opera Brenhinol. Enillodd fy nghynhyrchiad o Greek Wobr TMA am Gyflawniad Rhagorol mewn Opera. Cefais fy anrhydeddu ag MBE yn 2016.

Ers 1988 mae MTW wedi creu 39 o gynyrchiadau a chyflwyno 198 premiere byd. Bwriedir cynnal premiere ein cynhyrchiad byw nesaf, sef Violet by Tom Coult ac Alice Birch (cyd-gomisiwn a chyd-gynhyrchiad gyda Britten Pears Arts a lwyfennir mewn cysylltiad â’r London Sinfonietta), ym mis Mehefin 2022.

Gwobrau: yn 2020, enillodd Philip Venables wobr IVOR am Weithiau Llwyfan am Denis & Katya a gomisiynwyd ac a gynhyrchwyd gan MTW yn gynnar yn 2020.

Am ragor o wybodaeth ynghylch sut y gallech gynnig cefnogaeth i Music Theatre Wales, anfonwch ebost at ein Cyfarwyddwr – Michael McCarthy, michael@musictheatre.wales

ELAYCE ISMAIL CYSYLLTAI ARTISTIG

Cefais fy magu ar Ynys Wyth ac yn Llundain, lle dwi’n byw yn awr, gan weithio’n llawrydd ledled y DU ac yn rhyngwladol fel cyfarwyddwr theatr ac opera, a dramatwrg. Ynghyd â’r gwaith llawrydd, dwi hefyd wedi bod yn Gyfarwyddwr Cysylltiol yn y Northern Stage, Newcastle; yn Gyfarwyddwr Preswyl yn y National Theatre Studio; yn Artist Cysylltiol gyda’r Boundless Theatre, ac ar hyn o bryd dwi’n Bennaeth Gwaith Newydd (dros absenoldeb mamolaeth) yn y Donmar Warehouse.

Dechreuais fy ngyrfa yn y theatr fel actor a chynhyrchydd, ar ôl bod yn astudio Ffrangeg ac Eidaleg, ac yna’n astudio Ffilm yng Ngholeg Prifysgol Llundain (UCL). Yn ddiweddarach cefais hyfforddiant yn LISPA, ar y cwrs ôl-raddedig ‘Creu Theatr a Pherfformiad’, gan ddilyn addysgeg Jacques Lecoq sydd wedi’i wreiddio mewn dyfeisio a chreu theatr ensemble. Cafodd hyn ddylanwad mawr ar y ffordd rwy’n creu fy ngwaith, sy’n gydweithrediadol, yn cael ei yrru gan ensemble, ac yn drawsddisgyblaethol – mae’n cynnwys testun, perfformio, pypedwaith, symud, ffilm a cherddoriaeth.

Rwy’n teimlo’n gyffrous iawn wrth ymuno â MTW fel y Cysylltai Artistig yn arwain ar y cynllun Cyfeiriadau Newydd, gan ei fod yn gyfle gwych i weithio gydag ystod eang o artistiaid, ac i feddwl mewn ffordd ddychmygus am ddyfodol byd opera.

Kathryn Joyce Rheolwr Cyffredinol

Mae gan Kathryn gyfoeth o brofiad ym meysydd arweinyddiaeth, gweinyddu a rheoli prosiect yn sectorau’r celfyddydau, elusennau ac addysg.  Mae ei swyddi o fewn sector yr opera wedi cynnwys Pennaeth Rheolaeth Artistig gydag Opera Cenedlaethol Cymru, a Rheolwr Teithio, Cynllunio ac Artistiaid gyda Scottish Opera. Mae hi hefyd wedi gweithio fel Rheolwr Cerddoriaeth yng Ngholeg Brenhinol Cerdd a Drama Cymru, ac fel Cydlynydd Ymddiriedolaeth Pobl.

Fel person llawrydd, mae Kathryn wedi gweithio i nifer o sefydliadau yn cynnwys Theatr Genedlaethol yr Alban, Uproar, Opera21 ac, yn fwyaf diweddar, fel Cynhyrchydd Gŵyl Gerdd Bro Morgannwg. Bu’n siaradwr gwadd ar y cwrs MA mewn Rheolaeth y Celfyddydau yng Ngholeg Brenhinol Cerdd a Drama Cymru ac ar y Gweithgor Addewid i Weithwyr Llawrydd yn y Sector Cyhoeddus, yn ogystal â bod yn aelod o banelau beirniadu cystadlaethau lleisiol –  y mwyaf diweddar o’r rhain oedd Ysgoloriaeth W. Towyn Roberts yn yr Eisteddfod Genedlaethol. [In English, it’s the W. Towyn Roberts Scholarship]

Mae Kathryn yn angerddol dros ddatblygu talent, ac wedi goruchwylio rhaglenni artistiaid a thalentau ifanc yn y rhan fwyaf o’i swyddi blaenorol; mae hi’n teimlo’n gyffrous wrth ymuno â Music Theatre Wales, sydd wedi ymrwymo i ddatblygu a meithrin creadigwyr a pherfformwyr talentog o bob cefndir. 

Mae Kathryn wrth ei bodd yn gweithio yn y maes gweinyddol, gan fwynhau cyfrannu ei sylw i fanylion, a’i brwdfrydedd dros brosesau llyfn, at unrhyw sefydliad. Mae hi’n fam i efeilliaid, yn mwynhau pobi a chrosio, ac yn ysgrifenyddes Cymdeithas Rhieni ac Athrawon yr ysgol!

Dylan Jenkins Rheolwr Cyfathrebu a Marchnata

Mae gan Dylan Jenkins dros 10 mlynedd o brofiad o weithio ym myd cerddoriaeth, cyfryngau, a'r celfyddydau. Mewn swyddi blaenorol gyda BBC Music, PYST, Amgueddfa Cymru, ac fel gweithiwr llawrydd, mae wedi arddangos ei angerdd dros greadigrwydd, amrywiaeth ac arloesedd yn gyson.

Mae Dylan yn ymroddedig i sicrhau bod gan bobl yng Nghymru'r cyfleoedd gorau i fod yn greadigol ac mae'n credu'n gadarn yn effaith gadarnhaol y celfyddydau ar iechyd a lles pobl, ar gymunedau ac ar newid cymdeithasol ehangach.

Fel siaradwr Cymraeg iaith gyntaf, mae'n frwd dros sicrhau bod yr iaith Gymraeg yn cael ei chynrychioli a'i pharchu’n gyfartal, a thra bod ei rôl yn MTW yn rhan-amser, bydd yn parhau â'i waith llawrydd yn y byd cerddoriaeth a radio yng Nghymru.

Bydd Dylan yn dod â chyfuniad unigryw o greadigrwydd, arbenigedd a diddordebau eang at ei waith yn MTW, gyda'r nod o adael argraff barhaol ar y celfyddydau a'r dirwedd ddiwylliannol yng Nghymru.

Jefferson Lobo Chrëwyr-Cerddoriaeth
Future Directions

Mae Jefferson Lobo yn gerddor, cyfansoddwr a chynhyrchydd a aned yn Brasil ac sydd bellach yn byw yng Nghaerdydd. Bu’n ffocysu ar gerddoriaeth ddyfodolaidd, wedi ei hysbrydoli gan natur a jazz-ffync, ac ar hyn o bryd mae’n rhyddhau cerddoriaeth newydd yn gyson o’i gatalog. Y sail ar gyfer ei grochan cerddorol yw harmonïau swynol a phersain wedi eu cyfuno â melodïau sydd (ambell waith) yn gellweirus, ac yn cynnwys arddulliau megis jazz, cerddorfaol, Lladin, reggae, dyfodolaidd, a cherddoriaeth byd. Mae wedi gweithio gyda’r cwmni theatr August 012 a gyda Radio’r BBC, ac wedi cyfansoddi, sgorio a threfnu cerddoriaeth ar gyfer Carnifal Tre-biwt yn 2020 a 2021; un o’r uchafbwyntiau arbennig oedd ei ddarn rhyngwladol Zamba, a gomisiynwyd gan Gymdeithas Celfyddydau a Diwylliant Tre-biwt.

Robert Fokkens Chrëwyr-Cerddoriaeth
Future Directions

Cyfansoddwr o Dde Affrica yw Robert Fokkens, ond bellach mae’n byw yn y DU. Mae ei waith yn archwilio ystod o ddylanwadau, o gerddoriaeth draddodiadol De Affrica i gerddoriaeth arbrofol yr 20fed a’r 21ain ganrif, gan gynnwys jazz, cerddoriaeth ddawns electronig a’r canon clasurol. Mae gwaith Robert wedi cael ei berfformio yn y prif ganolfannau yn y DU (yn cynnwys y Wigmore Hall, y Purcell Room a’r Royal Festival Hall), De Affrica, Awstralia, UDA, Japan, a ledled Ewrop. Bydd ei opera ‘Bhekizizwe’ yn teithio Cymru yr hydref hwn.

Jain Boon Hwylusydd Prosiect ac Arweinydd Gweithdy

Mae Jain Boon (hi/ei) yn weithiwr theatr trawma-wybodus arobryn a phroffesiynol a chanddi dros 35 mlynedd o brofiad o gyd-gynhyrchu theatr sy’n gosod profiad pobl o adfyd a thrawma yng nghanol y llwyfan, gyda’r nod o leihau stigma ac unigedd. Mae hi’n teimlo’n angerddol dros ddemocrateiddio iechyd meddwl a lles, ac yn credu bod y celfyddydau’n creu gofod ar gyfer cysylltu a iacháu.

Mae Jain yn Gyd-gyfarwyddwr Artistig, ynghyd â Matilda Tonkin Wells, o thisPLACE, sef cwmni theatr dawns newydd dan arweiniad trawma.

Hyfforddwyd hi yn y Coleg Brenhinol Cerdd a Drama, Caerdydd, lle mae hi bellach yn Diwtor gyda’r Stiwdio Actorion Ifanc.

Mae gan Jain gefndir yn y maes theatr mewn addysg a theatr gymunedol, ac roedd yn Gyfarwyddwr Cyswllt gyda Theatr Gwent, cwmni y bu’n gweithio iddo am 20 mlynedd.

Fel gweithiwr llawrydd, mae gan Jain flynyddoedd lawer o brofiad yn arwain prosiectau theatr a phrosiectau creadigol. Mae hi wedi gweithio gyda Chanolfan Mileniwm Cymru, National Theatre Wales a Theatr Cenedlaethol Ieuenctid Cymru, ac mae’n parhau i weithio gyda Music Theatre Wales, Re-live Theatre, Sparc Valleys Kids a Hijinx Theatre; mae hi’n Asiant Creadigol a hyfforddwr ar gyfer Asiantau Creadigol ac yn hyfforddwr gyda Chynllun Ysgolion Creadigol Arweiniol Cyngor Celfyddydau Cymru. Mae hi hefyd yn hyfforddwr ac ymgynghorydd ar ran Hyb Cymorth ACE Cymru.

Yn 2021, roedd Jain yn un o feirniaid y Gwobrau Ymarfer yn Dda ar ran y Gynghrair Diwylliant, Iechyd a Lles ac mae hi’n rhedeg sesiynau ar ymarfer adlewyrchol creadigol ar ran Rhwydwaith Celfyddydau, Iechyd a Llesiant Cymru (WAHWN).

Mae Jain hefyd yn aelod o grŵp llywio Rhwydwaith Celfyddydau Ieuenctid Cymru.

Mae Jain yn eiriolwr dros y gymuned LGBTQ+ ac yn 2019 cafodd ei chynnwys ar y rhestr Binc, sef y Bobl LGBT+ Mwyaf Dylanwadol yng Nghymru.

Ar hyn o bryd mae hi’n derbyn hyfforddiant fel Ymarferwr Profiad Somatig (SE). Mae SE yn ddull arloesol wedi’i ganoli ar y corff i fynd i’r afael â datrys ac iacháu trawma.

Mae Jain yn dysgu Cymraeg.

Lleucu Meinir Future Directions: Gwneuthurwr Ffilmiau

Ffotograffydd, gwneuthurwr ffilmiau ac ymgyrchydd dros newid drwy’r celfyddydau. Ar ôl treulio 15 mlynedd yn y diwydiant darlledu, symudodd Lleucu’n ôl i orllewin Cymru gyda’i theulu ifanc. Mae hi wedi bod yn gweithio fel ffotograffydd portreadau a gwneuthurwr ffilmiau llawrydd. Ers iddi symud i dref Llandysul, Ceredigion, yn 2017 mae hi wedi bod yn gweithredu’n frwd dros newid yn ei chymuned leol, gan helpu i blannu eglwys (Ffynnon), sefydlu banc bwyd gyda Christnogion lleol, a datblygu Plethu, sef cynllun celfyddydol cymunedol sy’n ffocysu ar ddiwylliant Cymreig, lles ac iechyd meddwl. Mae hi’n fam i bedwar o blant hyfryd, un ci, dwy gath a phedair iâr

Catrin Slater Swyddog Codi Arian

Cefais fy magu yn ne Cymru cyn mynd i astudio Saesneg yng Nghaergrawnt. Roedd fy swydd gyntaf yn Glyndebourne, lle cymerais ddiddordeb ym maes codi arian; yn ddiweddarach penodwyd fi’n Rheolwr Datblygu yn y Wigmore Hall, cyn symud yn ôl i Gymru yn 2005. Yn 2009 roeddwn yn gyfrifol am sefydlu Ymddiriedolaeth Cerddoriaeth Canolbarth Cymru i fynd i’r afael â’r diffyg darpariaeth o gerddoriaeth glasurol fyw ym Mhowys, a datblygais raglen aml-bartner oedd yn cyflenwi gweithdai cerddoriaeth a dylunio, ynghyd â sesiynau blasu offerynnol ar gyfer ysgolion yn y sir. Fel swyddog codi arian a gweinyddydd, rwyf wedi gweithio i sefydliadau’n cynnwys Cadeirlan Aberhonddu, Peak Cymru, Gŵyl Baróc Aberhonddu a Gŵyl y Gelli, a rhwng 2014 a 2022 roeddwn yn Ymddiriedolwr, ac yna’n Gadeirydd, Sinfonia Cymru – cerddorfa arloesol Cymru ar gyfer offerynwyr ifanc proffesiynol.