Menu

Prosiectau Cymunedol

Tua’r Dyfodol: Trebiwt

, ,

5-cy

Tua'r Dyfodol: Trebiwt I bobl 16-25 oed

Cyfle i greu Opera Ddigidol sy’n cyfuno adrodd straeon, fideograffeg a cherddoriaeth. Mae’r prosiect yn dod â phobl ifanc niwroamrywiol, awtistig a/neu ag anableddau dysgu ynghyd â chyfranogwyr niwronodweddiadol i archwilio sgiliau newydd, datblygu syniadau a chreu gwaith gwreiddiol, gyda chefnogaeth timau creadigol a lles proffesiynol. Prosiect partneriaeth gyda Hijinx.

  • Gweithdai Blasu – Yr Hydref 2026
  • Preswyliadau Creadigol
    • 9–11 Chwef 2027 | 10yb–6yh
    • 3 Ebr 2027 | 12yp–6yh
    • 1–3 Meh 2027 | 10yb–6yh
  • Canolfan Gymunedol Trebiwt
    Loudoun Square, Butetown, Caerdydd, CF10 5JA
    View on Google Maps

Mae’r gweithdai yn RHAD AC AM DDIM, gyda chinio’n cael ei ddarparu i bob cyfranogwr.

Diddordeb? Cysyllta:

Mae Music Theatre Wales yn ail-ddychmygu opera drwy wahodd pobl greadigol o bob cefndir i’w siapio yn eu ffordd eu hunain

Dros y ddwy flynedd ddiwethaf, rydyn ni wedi bod yn gweithio gyda chymunedau yn Nhrebiwt a Grangetown, gan greu a rhannu opera newydd yn Loudoun Square a Phafiliwn Grange, gan gynnwys The Jollof House Party Opera a The Trial of Dhegdheer.

Mae’r gweithdy hyn yn adeiladu ar y gwaith hwnnw, gan greu cyfleoedd newydd i bobl ifanc lleol.

Dyfodol Digidol

, ,

4-cy

Dyfodol Digidol Blynyddoedd ysgol 7–9

Cyfle i archwilio eich potensial creadigol gan ddefnyddio technegau digidol. Drwy brosiect hanner tymor tridiau, byddwch yn archwilio fideograffeg, creu cerddoriaeth ac adrodd straeon digidol, yn dysgu sgiliau creadigol newydd ac yn darganfod ffyrdd newydd o gydweithio. Dan arweiniad yr hwyluswyr creadigol Gavin Porter ac Ani Glass.

  • Prosiect hanner tymor
  • 9–11 Chwef 2027 | 10am–5pm
  • Loudoun Culture and Media Centre (CMC)
    Loudoun Square, Butetown, Cardiff, CF10 5HW
    View on Google Maps

Mae’r gweithdai yn RHAD AC AM DDIM, gyda chinio’n cael ei ddarparu i bob cyfranogwr.

Diddordeb? Cysyllta:

Mae Music Theatre Wales yn ail-ddychmygu opera drwy wahodd pobl greadigol o bob cefndir i’w siapio yn eu ffordd eu hunain

Dros y ddwy flynedd ddiwethaf, rydyn ni wedi bod yn gweithio gyda chymunedau yn Nhrebiwt a Grangetown, gan greu a rhannu opera newydd yn Loudoun Square a Phafiliwn Grange, gan gynnwys The Jollof House Party Opera a The Trial of Dhegdheer.

Mae’r gweithdy hyn yn adeiladu ar y gwaith hwnnw, gan greu cyfleoedd newydd i bobl ifanc lleol.

The Trial of Dhegdheer

,

About

Gallery

Partners

The Trial of Dhegdheer

Beth sy’n digwydd pan mae chwedlau, fideos AI a phanig cyhoeddus yn penderfynu pwy sy’n euog?

Mae dynes Ddu o Ddociau Caerdydd yn wynebu achos llys am “ddwyn a bwyta plant lleol”. Gan gredu ei bod yn y llys am ddefnyddio’r bagiau ailgylchu anghywir, mae’n gwylio mewn anghrediniaeth wrth i chwedl Somalïaidd Dhegdheer a fideos AI ffug gael eu defnyddio fel tystiolaeth yn ei herbyn.

Gyda llai nag awr i’r rheithgor benderfynu, a all ei chyfreithiwr amddiffyn, Ali Star, atal anghyfiawnder arall?

Wedi’i chreu gyda chyfranogwyr o gymunedau Somalaidd, Yemenaidd a Chymreig Grangetown a Threbiwt, ochr yn ochr â dau ganwr proffesiynol, mae The Trial of Dhegdheer yn opera newydd feiddgar sy’n archwilio cyfiawnder, y gwirionedd a phwy sy’n cael eu credu. Gyda pherfformwyr lleol a chantores Buraanbur.

Wedi’i hysgrifennu gan Ali Goolyad, ei chyfarwyddo gan Mathilde López, a gyda cherddoriaeth gan Ani Glass, Eadyth a Robert Fokkens.

Dylunio’r Set a Rheolwr Cynhyrchu – Gerald Tyler

Dylunio Gwisgoedd – Dotty Squibb

Cast

Mrs Farhiya — Gweneth Ann Rand

Yr Erlynydd — Thomas Coltman

Y Cyfreithiwr Amddiffyn — Ali Goolyad

Y Barnwr — Steve Fisher

Cyfranogwyr Cymunedol fel y Rheithgor, Cyfieithwyr, Tystion, Arbenigwyr, Mamau a Phlant

“What struck me most throughout the performance was the seamless blending of cultures, traditions and perspectives. Somali folklore sits alongside contemporary Cardiff life. Questions about justice and technology intersect with community experiences and personal histories. The result is storytelling that feels fresh, urgent and unlike anything else currently being produced”.
— The Edit Wales

Galeri

Pick 1
Pick 2
Pick 3
Pick 4
Pick 5
Pick 6
Pick 7
Pick 8
Pick 9
Pick 10
Pick 11

Cynnwys Ychwanegol

Partneriaid

Fio Logo

Mae Fio yn gwmni theatr blaengar wedi’i leoli yng Nghaerdydd, sy’n ymddiddori mewn celf, artistiaid a syniadau. Mae’n gweithio gydag artistiaid o’r mwyafrif byd-eang i ailystyried ac ail-ddychmygu’r canon theatrig a/neu i greu gweithiau newydd sy’n herio, ysgogi ac ysbrydoli.

Nod Fio yw llunio ac ysgwyd diwylliant yng Nghymru y tu hwnt i gynrychiolaeth, drwy greu llwybrau a chyfleoedd i artistiaid o’r mwyafrif byd-eang ddatblygu, creu a phrofi theatr feiddgar a dychmygus sy’n ymgysylltu â chymunedau a thechnoleg.

Ein Cân, Ein Stori

,

Ein Can Ein Stori-gwefan

Lleisiau’r gorffennol yn cyfarfod â lleisiau creadigol y dyfodol mewn noson o atgofion, cerddoriaeth a ffilm. Yn Ein Cân, Ein Stori, cyflwynwyd casgliad o weithiau newydd sy’n edrych yn ôl at y gorffennol ac ymlaen at y dyfodol, gan gynnwys:

  • Gweithiau byr newydd gan gyfansoddwyr ifanc o Gymru, 14–18 oed, a ddatblygwyd mewn gweithdai yn y Parc a’r Dâr ac sy’n cael eu perfformio gan Sinfonia Cymru
  • Dangosiad cyntaf o Opera Dditectif Ddigidol newydd sbon, arddull Ffilm Noir, wedi’i greu gan bobl ifanc 16–25 oed ac wedi’i ffilmio y tu ôl i’r llenni ac o amgylch coridorau’r Parc a’r Dâr

Yn ogystal, cyflwynwyd dau waith newydd gan y cyfansoddwr Cymreig Luke Lewis wedi’u hysbrydoli gan leisiau lleol:

  • Quiet Thoughts / Myfyrdodau Tawel – ffilm newydd gan Harriet Fleuriot sy’n rhoi llais i fenywod lleol
  • The Echoes Return Slow – gwaith sy’n cyfuno lleisiau pwerus y gorffennol o’r ffilm Women of the Rhondda (1971) gyda chyfweliadau â glowyr lleol a recordiwyd yn Sefydliad y Gweithwyr (sef y Parc a’r Dâr heddiw) gan Alan Lomax yn 1953 wrth iddo deithio’r byd yn cofnodi cerddoriaeth a thraddodiadau gwerin. Yn wreiddiol yn rhan o raglen Writing the Future London Sinfonietta.

Perfformiwyd gwaith Luke Lewis gan Sinfonia Cymru, dan arweiniad Iwan Teifion Davies, gyda ffilm a thâp sain, ac ynghyd â cherdd newydd gan Owen Sheers, a grëwyd ar y cyd â, ac yn bydd ei ddarllen gan, Kyle Stead.

Noson i fyfyrio ar yr hyn sydd wedi bod, ac i ddathlu’r creadigrwydd sydd eto i ddod.

Compere – Samuel Bees.

Cyn y perfformiad, cynhaliwyd ddigwyddiad trafod yn Llyfrgell Treorci – Yr Artist a’r Archif.

Gwnaed yn bosib gyda chyllid gan:

Colwinston Charitable Trust, The D’Oyly Carte Charitable Trust, Gwendoline and Margaret Davies Charity, Samuel Gardner Memorial Trust, Hodge Foundation, The Radcliffe Trust, New College, Oxford, Garfield Weston Foundation, a Chyngor Celfyddydau Cymru.

Tŷ Unnos

, ,

Tŷ Unnos

Ty Unnos

“Ar gopa bryn, ymhell oddi wrth bawb a phopeth, mae tŷ cyfriniol yn ymddangos dros nos, gan gynnig noson orau eu bywyd i deithwyr – cyn belled â’u bod yn barod i dalu’r pris. Pan fo’r Tŷ Unnos yn cipio band teithiol, rhaid i’r cerddorion berfformio er mwyn ennill eu rhyddid. Y gynulleidfa fydd yn penderfynu pwy sy’n aros a phwy sy’n gadael. A fydd y band yn llwyddo i ddianc, neu a fydd y sioe yn mynd ’mlaen am byth?”

Roedd Music Theatre Wales yn falch o fod yn rhan o’r cydweithrediad unigryw hwn gyda Sinfonia Cymru, gan gyfuno cerddoriaeth, theatr ac adrodd straeon i greu profiad unigryw i gynulleidfaoedd ifanc. Fel rhan o’r prosiect, comisiynwyd y crewyr Joy Becker a Tamar Eluned Williams i gyfansoddi aria newydd sbon, a fydd yn cael ei chanu gan y Tŷ Unnos hudolus ei hun wedi’i berfformio gan Johnny Herford.

Dan arweiniad y storïwr Tamar Eluned Williams a gyda cherddorion Sinfonia Cymru, roedd Tŷ Unnos hefyd yn cynnwys caneuon a chyfraniadau creadigol gan ddisgyblion o:

  • Ysgol Gynradd Carreghofa
  • Ysgol CIW Forden
  • Ysgol Gynradd Franksbridge
  • Ysgol Gynradd CIW Newbridge-on-Wye
  • Ysgol Penmaes
  • Ysgol CIW Priory
  • Ysgol Gynradd CIW Y Trallwng

Perfformiwyd Tŷ Unnos mewn lleoliadau amrywiol rhwng Dydd Llun 3 Mawrth 2025 a dydd Mercher 5 Mawrth 2025.

Gwnaed y prosiect hwn yn bosibl trwy gefnogaeth hael Ymddiriedolaeth Elusennol Colwinston, Ymddiriedolaeth Cerddoriaeth Canolbarth Cymru, a Chyngor Celfyddydau Cymru.

Rhondda Cynon Taf

Rhondda Cynon Taf

About

Dates

Partners

Rhondda Cynon Taf

O fis Medi 2024 tan fis Medi 2025, bu MTW yn gweithio ledled Rhondda Cynon Taf i archwilio opera fel ffurf o adrodd straeon trwy gerddoriaeth – ac fel modd mynegiant creadigol i bawb.

Roedd y rhaglen yn cynnwys tri phrif elfen:

Future Directions RhCT

Daeth Future Directions â phobl ifanc niwroamrywiol a niwronodweddiadol, pobl ag anabledd dysgu ac awtistiaeth 16–25 oed at ei gilydd. Buont yn cydweithio i gynhyrchu opera ddigidol newydd sbon.

Cynhaliwyd y gwaith creadigol mewn dwy breswylfa a chyfres o weithdai ar draws RhCT, dan arweiniad tîm artistiaid MTW. Cyhoeddwyd yr opera ddigidol ar-lein fel cynhyrchiad MTW ac fe’i dangoswyd hefyd mewn perfformiad byw yn y Parc a’r Dâr.

Darllenwch fwy am y rhaglen Future Directions yma.

Nodau Newydd: Rhaglen i Gerddorion Ifanc RhCT

Roedd Nodau Newydd yn bartneriaeth rhwng MTW a Sinfonia Cymru, yn cefnogi cyfansoddwyr a chrewyr cerddoriaeth ifanc 14–18 oed o bob rhan o dde Cymru.

Datblygodd y cyfranogwyr gerddoriaeth wreiddiol a gafodd ei recordio a’i pherfformio’n fyw gan gerddorion Sinfonia Cymru gan roi cyfle prin i gael eu mentora gan artistiaid proffesiynol ac i weld eu gwaith yn dod yn fyw.

Gellir dod o hyd i ragor o wybodaeth am Nodau Newydd yma.

The Echoes Return Slow

Cyfansoddiad cerdd a ffilm newydd gan y cyfansoddwr Cymreig Luke Lewis gan ddefnyddio cyfweliadau wedi’u recordio gyda glowyr yn Nhreorci yn y 1950au, a deunydd o un o’r ffilmiau ffeministaidd cynharaf, The Women of the Rhondda (1960au).

Perfformiwyd y gwaith gan Sinfonia Cymru o dan arweiniad Iwan Teifion Davies, gyda fideo gan Simon Clode a dylunio sain gan Luke Lewis. Gwahoddwyd y gynulleidfa i fyfyrio ar leisiau’r gorffennol a’r hyn maent yn ei ddatgelu am fywyd yn y cwm heddiw.

Digwyddiad Terfynol — 11 Medi 2025

Daeth yr holl elfennau at ei gilydd mewn perfformiad cyhoeddus yn y Parc a’r Dâr, gan gynnwys:

  • Cyfansoddiadau newydd gan gerddorion ifanc o RhCT

  • Opera ddigidol Future Directions RhCT ar y sgrin fawr

  • Perfformiad llawn o As the Echoes Return Slow

Sbardunodd y digwyddiad drafodaethau byw, balchder a syniadau newydd – gan ddangos sut y gall opera adrodd straeon pwerus am bwy ydym ni yng Nghymru heddiw.

Dyddiadau

  • Hydref 24

    Gweithdai blasu

  • 3 Hydref 24

    Cyflwyniad i Nodau Newydd yng Nghanolfan Dysgu Oes Gartholwg gyda Sinofnia Cymru a Luke Lewis

  • 24 i 26 Chwefror 25

    Preswylfa cyntaf yn y Parc a’r Dar

  • 25 Ebrill 25

    Ail sesiwn yn y Parc a’r Dar

  • 8 Mai 2025

    Gweithdy terfynol Nodau Newydd gyda Sinfonia Cymru a Luke Lewis yn y Parc a’r Dar

  • 27 i 29 Mai 25

    Ail breswylfa yn y Parc a’r Dar, Treorci

  • 11 Medi 25

    Digwyddiad trefynol yn y Parc a’r Dar

Partneriaid

Mae Future Directions yn bartneriaeth gyda Hijinx
Mae Future Directions yn bartneriaeth gyda Hijinx
Mae Nodau Newydd yn bartneriaeth gyda Sinfonia Cymru
Mae Nodau Newydd yn bartneriaeth gyda Sinfonia Cymru
Cafodd gwaith MTW yn RhCT ei gefnogi gan Gyngor Rhondda Cynon Taf
Cafodd gwaith MTW yn RhCT ei gefnogi gan Gyngor Rhondda Cynon Taf

Cyllidwyr

Rhondda Cynon Taf
Rhondda Cynon Taf
Rhondda Cynon Taf
Rhondda Cynon Taf
New-College-Logo-Oxford-Strap-Brown-Web RGB

Cardiff

,

SAO Tour Still 1

About

Dates

Partners

Caerdydd

Preswyliad Caerdydd

Rydym yn falch iawn o gydweithio gyda FIO, Hijinx a’r Arts Active Trust ar breswyliad creadigol gyda chymunedau Butetown a Grangetown, wedi’i leoli yn Mhafiliwn Grange a Chanolfan Diwylliant a Chyfryngau Loudoun (dan ofal Cardiff Community Housing Association).

Beth rydym yn ei wneud

  • Opera Gymunedol (Chwefror – Mehefin 2026) mewn partneriaeth â FIO
  • Prosiect Future Directions ar gyfer pobl ifanc niwroamrywiol (o Fedi 2026) mewn partneriaeth â Hijinx
  • Prosiect creu cerddoriaeth i bobl ifanc – dyddiadau i’w cadarnhau
  • Gweithdai Opera Ddigidol i Bobl Ifanc – Chwefror 2027
  • Opera Celf Stryd – dau ddarn o opera newydd i’w chwarae ar waliau y tu allan, a’i gwrando arnynt drwy glustffonau disgo distaw – Mawrth 2027

Prosiectau MTW eraill yn yr un cyfnod

  • Gŵyl Opera Ddigidol gyntaf y DU – Mawrth 2027
  • The Jollof House Party Opera – cyfle arall i weld y digwyddiad byw hwn sy’n cyfuno opera fer wedi’i hysbrydoli gan hip-hop gyda rhannu jollof rice yn gymunedol gyda’r gynulleidfa — 2027
  • Opera newydd wedi’i chomisiynu yn archwilio themâu mudo, integreiddio ac hunaniaeth gan y cyfansoddwr Jazz/Afrobeat Renell Shaw – Hydref 2027

Hoffech chi gymryd rhan?

Ym mis Awst 2025, ymunodd Abena-Mintaah Mensah â ni fel Cynhyrchydd Cymunedol i gefnogi ymgysylltiad a chyfranogiad y gymuned.

Os hoffech wybod sut gallwch chi gymryd rhan, cysylltwch â ni yma.

Partners

Future Directions is a partnership programme with Hijinx
Future Directions is a partnership programme with Hijinx
MTW’s work in Butetown is in collaboration with The Royal Ballet & Opera
MTW’s work in Butetown is in collaboration with The Royal Ballet & Opera
MTW’s work in Butetown is in collaboration with Arts Active
MTW’s work in Butetown is in collaboration with Arts Active