CYFEIRIADAU’R DYFODOL yw ein rhaglen i bobl ifanc rhwng 16 a 25 sy’n dod â phobl niwronodweddiadol a niwroamrywiol, pobl ag anableddau dysgu ac awtistiaeth ynghyd. Mae’n wahoddiad i greu stori drwy cerddoriaeth ac i greu opera ddigidol newydd.

Cyfeiriadau’r Dyfodol yw Cwmni Ifanc MTW, rhaglen barhaus sy’n bodoli yng nghalon gweithgarwch y cwmni. Mae’r operâu digidol a grëir gan y Cwmni Ifanc, mewn cydweithrediad â’n hwyluswyr proffesiynol, yn cael eu cyflwyno fel rhai o’n prif gynyrchiadau ar ein gwefan i’w rhannu’n eang, gan geisio atynnu cynulleidfaoedd ehangach a dod o hyd i ffyrdd newydd o synnu a chyffroi ein cynulleidfaoedd cyfredol.

Fel gyda phob enghraifft o’n gwaith, mae Cyfeiriadau’r Dyfodol yn brosiect sy’n dathlu cynhwysiant ac amrywiaeth a rydym yn croesawu cyfranogwyr ifanc rhwng 16 a 25 oed o bob cefndir. Caiff ei gyflwyno mewn partneriaeth â Theatr Hijinx – un o brif gwmnïau theatr gynhwysol Ewrop, sy’n gweithio gyda phobl niwroamrywiol, pobl ag anableddau dysgu ac/neu bobl awtistig ar lwyfan ac ar y sgrîn. Rydym yn awyddus i bwysleisio mai un o nodweddion pwysicaf Cyfeiriadau’r Dyfodol yw’r ffordd y mae’n dod â phobl ifanc gyda, ac heb anghenion ychwanegol, ynghyd i weithio gyda’i gilydd drwy stori, cerddoriaeth, perfformiad a ffilm. Mae’r rhaglen yn cael ei harwain gan yr hwylusydd creadigol, dramatwrg a chyfarwyddwr Jain Boon.