Abena-Mintaah Mensah
Cynhyrchydd Creadigol

Mae Abena-Mintaah Mensah yn eiriolwr angerddol dros greadigrwydd, cymuned, a grym trawsnewidiol y celfyddydau. Yn wreiddiol o Sblot, Caerdydd, hi yw Cynhyrchydd Creadigol MTW sy’n cefnogi ein rhaglenni ym Mutetown a Grangetown.

Gyda phrofiad helaeth o weithio gyda phobl ifanc ar draws ystod o ddisgyblaethau artistig, mae Abena wedi ymrwymo i helpu eraill dyfu mewn hyder a datblygu eu lleisiau creadigol. Trwy ei gwaith gyda TEAM Theatr Genedlaethol Cymru, bu’n cydweithio â chymunedau ledled Cymru – gan gyfoethogi rhwydwaith creadigol y cwmni ac ysbrydoli pobl ifanc i gymryd rhan yn y celfyddydau.

Yn ogystal â’i gwaith yn y celfyddydau cymunedol, mae Abena hefyd yn gerddor dan yr enw Adjua – artist alt-RnB sy’n canu ac yn chwarae gitar. Ers 2021, mae hi wedi bod yn ysgrifennu ac yn cynhyrchu ei cherddoriaeth ei hun, gan dynnu ysbrydoliaeth o’i phrofiadau personol a’i chredoau ysbrydol. Yn 2024, enillodd Wobr Triskel yn y Wobr Gerddoriaeth Gymreig, gan ei chydnabod fel un o artistiaid mwyaf addawol Cymru.

Bydd Abena yn dod â chyfuniad unigryw o brofiad, dawn artistig, a chred ddofn ynghylch cynrychiolaeth a chyfleoedd cyfartal. Yn ei rôl yn MTW, mae’n awyddus i greu gofodau lle gall pobl o bob oed a chefndir archwilio beth all opera fod heddiw – fel cynulleidfaoedd, cyfranogwyr, hwyluswyr a chrewyr – gan helpu siapio tirwedd ddiwylliannol fwy cynhwysol yng Nghymru.