Renell Shaw

Mae gan Renell Shaw – y cyfansoddwr, cyfansoddwr caneuon a chynhyrchydd cerddoriaeth – gyfoeth o brofiad mewn ystod eang o genres gan gydweithio â rhai o artistiaid mwyaf unigryw a phoblogaidd y diwydiant cerddoriaeth.

Un o’i gysylltiadau agosaf dros gyfnod hir yw gyda Rudimental fel ysgrifennwr ac arbenigwr ar nifer o offerynnau, yn y stiwdio a thrwy gydol eu sioeau nodedig. Mae e wedi cydweithio, recordio a theithio gydag artistiaid megis Anne-Marie, Nile Rogers, Jess Glynne, Skepta a DJ Spinall.

Yn 2020, enillodd Renell sylw eang gan ennill Gwobr Ivor Novello am ei gyfansoddiad ‘The Windrush Suite’; mae’r darn yn talu gwrogaeth i’w dras Garibbeaidd a llais arloesol cenhedlaeth y Windrush. Mae Renell hefyd wedi ehangu ei faes gyda phrosiectau mwy arbrofol, megis y ddeuawd affro-electroneg 2fox, sy’n cyfuno amlddiwylliannedd Llundain gyda naws arallfydol machlud Ibiza.

Mae amrywiaeth a chreadigrwydd agwedd Renell at gerddoriaeth yn ei sefydlu’n gadarn fel llais pwysig yn ein cyfnod ni.

“Mae Renell yn ei sefydlu ei hun fel Artist o bwys!” – Orphy Robinson MBE

“Chwa o awyr iach, atmosfferaidd iawn, gwnaed yn y DU” – Jazzie B OBE 

RENELLSHAW.COM

Rachael Young

Mae Rachael Young yn artist ac awdur arobryn sydd wedi’i lleoli rhwng Nottingham a Llundain. Mae eu hymarfer Trawsddisgyblaethol yn bodoli ar ffiniau celfyddyd byw, testun, symudiadau, actifiaeth a niwro-amrywiaeth. Mae eu gwaith yn darparu man cysgodol y gellir ei ddefnyddio i archwilio lluosogrwydd eu profiad byw. Maent yn defnyddio eu hymarfer esblygol i roi gofod ar gyfer y rhai sydd ar groesffordd hyrwyddo aml-realaethau a chanoli naratifau a ffurfiau amgen. Dyfarnwyd y Jerwood Live Work Fund i Rachael ac roedd yn enillydd cyntaf Gwobr Eclipse, a gefnogodd berfformiadau o NIGHTCLUBBING ac OUT yng ngŵyl yr Edinburgh

Kyle Alonzo Legall

Mae crefft Kyle wedi ehangu i gynnwys sawl genre, o ysgrifennu a chyfarwyddo ar gyfer animeiddiadau i greu ffilmiau, theatr a murluniau graffiti, yn ogystal â chynllunio a chreu ei gasgliad ei hun o ddillad graffiti. Mae Kyle wedi ysgrifennu, cyfarwyddo, cynllunio ac animeiddio pedair ffilm 2D byr ar gyfer Channel 4 ac S4C. Mae e hefyd yn creu fideos cerddoriaeth a chelf clawr ar gyfer bandiau lleol. In 2015, Kyle oedd artist preswyl cyntaf National Theatre Wales. Fel egin-gyfarwyddwr yn 2018/19, bu’n gweithio ar gynyrchiadau o Storm 1, 2 & 3, gan gydweithio gyda’r cyfarwyddwyr theatr Mike Brooks a Mike Pearson. Bellach mae’n aelod o banel gyda’r sefydliad ac yn parhau i hwyluso gweithdai gyda nifer o wahanol gymunedau, artistiaid, perfformwyr ac ymarferwyr yn ymwneud â pherfformio, creu cerddoriaeth, ysgrifennu creadigol a chreu golygfeydd. Yn 2017, bu Kyle yn ysgrifennu, cynllunio a chyfarwyddo ei ddrama ei hun, R.A.T.S. (Rose Against the System), a lwyfannwyd yng ngofod y to yng Nghanolfan Mileniwm Cymru. Mae e hefyd wedi cyfrannu at weithiau celf aml-blatfform ar gyfer arddangosfa sy’n archwilio etifeddiaeth terfysgoedd hil Caerdydd 1919.